نیشنل الیکٹرک پاور ریگولیٹری اتھارٹی (نیپرا)نے عوام پر بجلی بم گراتے ہوئے قیمت میں 7 روپے اور 5 پیسے اضافے کا نوٹیفکیشن جاری کر دیا۔ نوٹیفکیشن کے مطابق بجلی کے قیمت میں اضافہ جنوری کی فیول پرائس ایڈجسٹمنٹ کی مد میں کیا گیا ہے۔
نیپرا کے نوٹیفکیشن کے مطابق اضافہ مارچ کے بلوں میں وصول کیا جائے گا۔ جس سے صارفین پر 66 ارب روپے کا اضافی بوجھ پڑے گا۔ بجلی کی قیمت میں اضافے کا اطلاق لائف لائن اور کے الیکٹرک صارفین پر نہیں ہوگا۔
